Usipomsikia muimbaji wa kundi la Wakali Kwanza, Q Jay kwenye redio basi fahamu kuwa yupo kanisani akimuimbia Mungu ama yupo kijiweni akifanya kazi za welding.
Akiongea na 255 ya XXL, Clouds FM jana, muimbaji huyo
wa R&B alidai kuwa shughuli hiyo aliianza hata kabla ya jina lake kujulikana kwenye muziki.
“Ndio kazi ambayo nilikuwa nayo hata before sijafahamika katika muziki. Ndio kazi ambayo naifanya. Kama kuna watu wanahitaji vitu vya chuma, kama mageti, madirisha, vitanda yaani vitu vyote vinavyohusika na chuma nipo maeneo ya Mbezi,” alisema.
Muimbaji huyo ambaye jina lake halisi ni Joseph Kelvin Mapunda aliyewahi kutangaza kuacha kufanya muziki wa Bongo Flava, anatarajiwa kusikika tena kwenye muziki huo katika wimbo mpya. Q-Jay ni miongoni mwa wasanii watakaosikika kwenye wimbo mpya wa Dj Aaron unaotarajiwa kutoka Ijumaa (Agosti 29). Dj Aaron amewashirikisha Banana Zorro, Barnaba na Q-Jay katika wimbo huo uitwao ‘Peace One Day’, ambao ni wa kuhamasisha amani