Mo Rocka adai Quick Rocka ameshindwa kuwasaidia wasanii wa Rockaz!!

Mmoja kati ya member wanaounda kundi la muziki la ‘Rockaz’, Mo Rocka amesema mwenzao Quick Rocka ameshindwa kuitumia nafasi yake vizuri kuwasaidia wasanii wa kundi hilo.

Akizungumza na Planet Bongo ya EATV jana, Mo alisema hapendezwi na tabia ya Quick Rocka kujifanya anajua zaidi.
“Baada ya kutoka na ile Bullet, [Quick] akawa anafanya vizuri na yupo kwenye label nzuri alitakiwa aitumie vizuri mpaka kwetu sisi lakini aliitumia vibaya. Mimi naomba nisiwazungumzie wengine, sikuona mfano mzuri kutoka kwake kwamba hakufanya kama mimi au zaidi yangu mimi kwa kusema nitawasaidia wenzangu na kuwaweka sehemu inayofaa.”
“Lakini alichokifanya ambacho mimi nilikiona na sikukipenda ni kujiweka yeye kwenye hali ambayo yeye ndo anajua zaidi. Yeye ndio anayeweza akasema hiki kiko sawa na kiwe hivyo hivyo,” alisema Mo Rocka.
“Lakini kiukweli kabisa, kiundani kila mtu ana matatizo na wenzake na ndio kitu ambacho kimechangia na kimevuruga sana, kwamba Rockaz ikawa haionekani na mimi kama Mo Rocka nikawa pia sionekani. Wanisamehe mimi ni binadamu nina majukumu na vitu vingi vimetokea hapa kati kati ambavyo vikanichanganya lakini sasa hivi ni mtu ambaye naanza kuandaa mazingira ya kumrudisha Mo Rocka.”