Simba SC ya Dar es Salaam na
Mbao FC ya Mwanza leo zinakutana Uwanja wa Jamhuri mjini Dodoma kwenye
fainali za kuwania Kombe la Shirikisho l katika mchezo utakaoanza saa
10.00 jioni. Tayari
timu zote ziko mjini Dodoma na zimekuwa zikirushiana tambo za hapa na
pale, wakati Simba wakiwa wamekamia kutwaa kombe hilo ili kujihakikishia
ushiriki katika miachuano ya Kimataifa ambayo imeikosa kwa miaka
takriban mitano.
Kwa upande wa Mbao, wao wanataka kuweka
historia mpya katika soka la Tanzania kuwa timu ya kwanza kupanda daraja
kwa 'Mlango wa Nyuma' na kisha kufuzu michuano ya Kimataifa.
Mshindi wa mchezo wa fainali (Kwa msimu
huu kati ya Simba na Mbao), ndiye akayekuwa Bingwa wa Kombe la ASFC -
HD, atapewa Kombe la Ubingwa na zawadi ya fedha kiasi cha shilingi
milioni hamisini (50,000,000/-) kama zilivyoainishwa kwenye waraka wa
zawadi wa michuano.